Lafz

Haan...Maine samjha Aur jaana bhi. Tumne jo kaha nahi Aur kehna chaha bhi Tumhari lafzon mein Uljhi un baton ko Aur unme chupe jazbaaton ko Haan Maine samjha aur jaana bhi....!!

Nazariya

Prakriti Bhi kitni ajeeb hai na!! Kitne Bhi preshaan hon hum zra sa badlaav agar nazarye mein hum kar le to uddasi mein bhi muskurane ka bhaana mil jaata hai!!
Duur tak faili sunehri ret....aur us par chitki poore Chand ki chandni


Baraf se dhake phaad aur ugte suraj ki gulabi kirne....


Sannate mein kisi panchi ki mithi si awaaz.....

Phoolon ko taazgi deti subaha ki oas ki boonde....

Achanak tapp se chehre par giri baarish ki pehli boond


Kitne bhi uljhe hon Zindgi ki udher bun mein ....prakriti ki saadgi mein bhi uska andaaz dekh kar sab bhool kar thodi der ke liye muskura to denge na aap bhi

sab bhool kar thodi der ke liye aap bhi muskura to dengue naa???...:-)

Zindagi Bhi ajeeb hai na!! Roz naye rang hote hain isme.roz Kuch naye imtihaan."...bhagwaan Bhi jaise hmko bna ke zameen pe bhej deta hai aur phir shuru hota hai Uske tests ka silsila ....jaise Kahin upar baith ke questioner taiyaar karta rehta hai...Kuch aur kaam hai hi nahi..pichle kuch Dino se Mai Bhi shayad uskihit list mein hoon ....par ab....meri Bhi bas ho rahi hai....itnii patience nahi hai mujhme yaar...main Bhi insaan hoon tumhari hi bnai" Even I feel exhausted ...Ab bas bhi karo yaar plzzzzz

Pehli Baarish

Mausam ki pehli barish....Kitna suhana pal!!Acha khaasa din umadte ghumadte badalon se suhani shaam mein dhal jaata hai. cham Cham karti boonde man ko Kitna dur le jaati hain....Jane kahan kahan se kya kya bator kar aankho ke samne la ke khda kar deti hain!! Koi saathi ,koi geet,koi baat,koi jazbaat....jaane kya kya.

jab sapne kacche hote hain aur dil khoobsurat sapne dekhna seekhta hai tab mulakaat hoti hai pehli barish se. Koi anjaana sa sathi anjaane mein ,anchahe mein Bhi apna sa lagne lagta hai.
Zindgi padaav dar padaav chalti rehti hai...badhti jati hai....aur Kuch Apne chootne lagte hain in raahon par.na chahte huye Bhi sab seh jaate hain hum.Dil ke kisi kone mein dabba dete hain hum un , un baton ko.
Lekin mausam ki Pehli Barish un lamhon, un apno aur un yadon ko ek baar phir se humare samne la ke khada kar deti hai-Phir vo dard, vo bhule apne,vo bardaasht Bhi pighal kar aankho ke raste hissa ban jaate hain us pehli baarish ka.Aur unke baarish mein milte hi hum un apno ke saath beete us sunehri waqt ko jee lete hain hum ek baar phir se . Aur un Pyaari yaadon ko ek bheeni si muskurahat ke saath chod deti hai vo Pehli Baarish.....

Ghar ke peeche kheton mien bade bade devdaar ke ped hain....to Subha sham panchion se rafta hota rehta hai.Pichle kuch saalon se janne lagi hoon main Bhi in panchion ke bare main.Bulbul,maina tota ,kathphodva,kabootar, dove,phadi kaoa,koyal,kingfisher aur ek adh bar mor bhi dekhne ko mila.

Par sabse khoobsurat choti chidiya lagti hai mujhe...Humming bird bhi kehte hain use...
Subaha subaha jab main lawn mien sair kar rahi hoti hoon to vo Bhi vahin ghoom rahi hoti hai.Asal mien phudak phudak kar aur shor macha kar Vo poora bagicha hi sir pe utha leti hai
Akeli hi ...jane kya kya bolti rehti hai Vo....?? Kitni batein hoti hain Uske man mein...Jo Vo subaha subaha hi shuru ho jati hai kachar kachar karna....
Lekin achi lagti hai muje....aur pyaari Bhi...Kum se kum apne Man ki Kehna to janti hai!! Chupp to nahi reh jati mere jaise.... :-)